شمالی کشمیر کے ضلع بانڈی پورہ کے ہاکبارہ اور صفاپورہ کی رابطہ سڑک خستہ حالی کی وجہ مسافروں کا مشکلات کا سامنا کرنا پڑرہا ہے، سڑک پر بچھائے گئے تارکول بھی ختم ہوگئے ہیں جس کی وجہ سے گہرے گہرے گھڑے بھی ہوگئے ہیں۔
مقامی شخص کا کہنا ہے کہ ہاکبارہ اور صفاپورہ دیہات سے آنے اور جانے والی گاڑیوں کو کافی دشواریوں کا سامنا کرنا پڑتا ہے اور اس کے علاوہ پیدل چلنے والوں کو بھی دقتوں کا سامنا کرنا پڑتا ہے۔
مقامی شخص نے بتایا کہ متعلقہ انتظامیہ نے ایک برس قبل ہی اس سڑک پر تارکول بچھایا تھا لیکن ایک سال بعد ہی اس سڑک کی حالت بدتر ہوگئی ہے، جس سے اس بات کا اندازہ لگایا جاسکتا ہے کہ سڑک کی مرمت میں غیر معیاری تارکول کا استعمال کیا گیا تھا۔
صفاپورہ سے ہاکبارہ جانے والی اس سڑک کی خستہ حالی کے سبب نہ صرف ٹرانسپورٹر کو مشکلات درپیش ہیں بلکہ عام راہگیروں کا چلنا پھرنا بھی دشوار بن گیا ہے، اس لیے مقامی لوگوں نے انتظامیہ سے اس معاملے میں تحقیقات کرنے اور سڑک کی از سر نو تعمیر کرنے کا مطالبہ کیا ہے۔
