بانڈی پورہ: سردی کے باوجود پولنگ جاری

شمالی کشمیر کے ضلع بانڈی پورہ میں ڈسٹرکٹ ڈویلپمنٹ کونسل انتخابات کے دوسرے مرحلے کے تحت آج ووٹ ڈالے جارہے ہیں -

دوسرے مرحلے کے تحت ضلع میں ڈی ڈی سی انتخاب جاری ہیں، ان میں دو نشستوں جن میں نوگام اور گنستان شامل ہیں ۔

یہاں 16 امیدوار اپنی قسمت آزما رہے ہیں-

شدید سردی اور کہرے کے باوجود ووٹرز پولنگ بوتھ پر آکر ووٹ ڈال رہے ہیں۔

اس علاقے کے تمام پولنگ مراکز پر بڑی تعداد میں رائے دہندگان نظر آئے۔

ای ٹی وی بھارت سے بات کرتے ہوئے کئی ووٹرز کا کہنا تھا کہ اس دفعہ وہ تعمیر و ترقی کے لئے ووٹ ڈال رہے ہیں -

انہوں نے بتایا کہ اس علاقے میں کئی دہائیوں سے جو سیاسی رہنماؤں نے ان کے ساتھ وعدے کئے تھے تاہم الیکشن کے خاتمے کے بعد وہ وعدے کبھی پورے نہیں کئے گئے۔

تاہم وہ اس دفعہ پرامید ہیں کہ ان کے مسائل کا ازالہ ضرور ہوگا۔