ضلع بانڈی پورہ کے رامپورہ علاقے میں ایک خاتون نے اتوار کی شام اپنی رہائش گاہ پر مبینہ طور کوئی زہریلی شئی کھا لیا۔ اس کے بعد اسے فوری طور پر ضلع اسپتال بانڈی پورہ پہنچایا گیا۔
بانڈی پورہ: 32 سالہ خاتون نے مبینہ طور خودکشی کر لی
ڈسٹرکٹ اسپتال بانڈی پورہ میں 32 سالہ خاتون کو ابتدائی طبی امداد کے بعد نازک حالت میں سرینگر اسپتال ریفر کر دیا گیا۔
علاج کے دوران خاتون نے پیر کی صبح سرینگر کے اسپتال میں آخری سانس لی۔
خاتون کی جانب سے اٹھائے گئے اس اقدام کی وجہ فوری طور پر معلوم نہیں ہو سکی ہے۔ تاہم اس ضمن میں پولیس نے تحقیقات شروع کر دی ہے۔
ایک پولیس عہدیدار نے بتایا کہ بانڈی پورہ پولیس نے قانون کی متعلقہ دفعات کے تحت مقدمہ درج کر لیا ہے اور اس سلسلے میں مزید تفتیش شروع کردی گئی ہے۔
