خواتین نے وینکناکونڈکو مندڈم سے ویلگاپوڑی تک پدیاترا کی۔ دارالحکومت کے علاقہ تُلورو اور دیگر دیہاتوں سے کسانوں،زرعی مزدوروں نے بڑے پیمانہ پر اس یاترا میں حصہ لیا اور حکومت پر زور دیا کہ وہ امراوتی کو ہی دارالحکومت کے طورپر برقرار رکھے۔
ان کسانوں کے ہاتھوں میں پرچم تھے اور وہ مخالف حکومت نعرے بازی کررہے تھے۔ اپنی مطالبہ کی حمایت میں کسانوں نے باجہ بھی بجایا اور مختلف گیت بھی سڑکوں پر گائے۔
کسانوں نے مطالبہ کیا کہ تین دارالحکومتوں کی تجاویز سے فوری دستبرداری اختیار کی جائے اور ان کے ساتھ انصاف کیا جائے۔
کسانوں نے الزام لگایا کہ تین دارالحکومتوں کے اعلان کے ذریعہ وزیراعلی ریاست کو تقسیم کررہے ہیں۔
کسانوں نے مطالبہ کیا کہ حکومت اپنے اس قدم کو فوری طورپر واپس لے۔ اس احتجاج کے موقع پر مختلف مقامات پر پولیس کا بھاری بندوبست دیکھا گیا۔
