جموں و کشمیر، ضلع اننت ناگ کے حلقہ انتخاب بجبہاڑہ کے سنتھن ٹاپ میں کمپوزٹ ریجنل سینٹر کے اشتراک سے ہیومنٹی ویلفیئر آرگنائزیشن زیبہ آپا کی جانب سے تقریب کا انعقاد کیا گیا، جس میں جسمانی طور معذور افراد کے درمیان تقریبا 25 وہیل چیئر اور کرنچ تقسیم کیے گئے تاکہ کوئی بھی معذور شخص کسی پر بوجھ نہ بنے اور وہ اچھے سے سیر و تفریح کرسکے۔
ہیومنٹی ویلفیئر آرگنائزیشن زیبہ آپا کے چیئرمین جاوید احمد ٹاک نے کہا کہ آج ان کی تنظیم کی طرف سے معذور افراد میں تقریباً 25 وہیل چیئر تقسیم کی گئی، انہوں نے کہا کہ وہیل چیئر اور کرنچ کو تقسیم کرنے کا مقصد یہ ہے کہ کوئی بھی معذور شخص کسی پر بوجھ نہ بنے اور وہ اچھے سے سیر و تفریح کرسکے۔
انھوں تقسیم وہیل چیئر کے دوران معذور افراد کی حوصلہ افزائی کی تاکہ وہ اپنی کمزوری کو اپنے مستقبل پر حاوی نہ ہونے دیں۔ اس موقع پر انہوں نے جسمانی طور معذور افراد سے گزارش کی اگر انہیں مستقبل میں کسی چیز کی ضرورت پڑے تو وہ ان سے رابطہ کر سکتے ہیں۔
تقریب میں ضلع سوشل ویلفیئر آفیسر ڈاکٹر فرحت، نائب تحصیلدار اور ہیومنٹی ویلفیئر آرگنائزیشن زیبہ آپا کے چیئرمین جاوید احمد ٹاک سمیت متعدد افراد بھی موجود تھے۔
