جنوبی کشمیر کے ڈورو اور ویری ناگ علاقے میں عام لوگوں میں کورونا ویکسین کے حوالے سے پھیلے غلط افواہوں اور خدشات کو دور کرنے کی غرض سے ایک اسٹریٹ پلے کا اہتمام ہوا۔ اس پروگرام کا اہتمام فوج کی 19 راشٹریہ رائفلز اور جموں و کشمیر پولیس کے اشتراک سے ہوا۔
کورونا ٹیکہ کاری مہم کے فروغ کے لیے اسٹریٹ پلے کا اہتمام
اس موقع پر مقامی فنکاروں نے ڈراموں اور کشمیری فوک نغموں کے ذریعے روایتی انداز میں کورونا ویکسینیشن کے فائدے اجاگر کیے۔ جبکہ لوگوں کو اپنا اور اپنوں کا تحفظ یقینی بنانے کے لیے ویکسینیشن میں بڑھ چڑھ کر حصہ لینے کی تلقین کی گئی۔
مقامی لوگوں نے اس کوشش کی تعریف کرتے ہوئے کہا کہ 'اس طرح کے پروگرام جموں و کشمیر میں 100 فیصد ویکسینیشن کے ہدف کو پورا کرنے میں معاون ثابت ہوں گے۔
