ضلع اننت ناگ میں کے پی روڈ پر جمعہ کی صبح ایک تیز رفتار ٹرک نے ایک مقامی خاتون راہگیر کو ٹکر مار دی، جس کے نتیجے میں وہ شدید طور پر زخمی ہو گئی۔
مقامی لوگوں نے اگر چہ خاتون کو نازک حالت میں گورنمنٹ میڈیکل کالج اننت ناگ منتقل کیا تاہم ڈاکٹروں نے اسے مردہ قرار دے دیا۔
فوت ہونے والی خاتون کی شناخت اننت ناگ کے ایف ایم گلی، کے پی روڈ کی رہنے والی 52 سالہ حسینہ بیگم زوجہ محمد یوسف کے طور پر ہوئی ہے۔
مزید پڑھیں: اننت ناگ: بجلی کی آنکھ مچولی سے عوام پریشان
اننت ناگ پولیس نے اس ضمن میں معاملہ درج کرکے تحقیقات شروع کی ہے، وہیں گاڑی کو ضبط کرکے ڈرائیور کو گرفتار کر لیا گیا ہے۔
