کوکرناگ میں بیک ٹو ولیج پروگرام کا اہتمام

لوگوں نے ضلع ترقیاتی کمشنر اننت ناگ کو اپنے مسائل سے آگاہ کیا، جن کا ازالہ کرنے کے لئے کمشنر نے افسران کو ہدایت دی کہ وہ مقررہ وقت پر لوگوں کی مشکلات کو دور کرنے میں سنجیدگی سے اقدام اٹھائے۔

جموں کشمیر کے ضلع اننت ناگ کے کوکرناگ بوٹانیکل گارڈن میں بیک ٹو ولیج تین پروگرام کے تحت تقریب کا انعقاد کیا گیا۔

تقریب میں ڈپٹی کمیشنر اننت ناگ کے کے سدھا کے ساتھ کوکرناگ کے ایس ڈی ایم محمد جہانگیر اور مختلف محکموں کے افسران موجود تھے۔ پروگرام میں عوام، اوقاف، بی ڈی سی چیئرپرسن، پنچوں، سرپنچوں کے نمائندوں سمیت کوکرناگ کے دور دراز علاقوں سے آئے ہوئے لوگوں نے شرکت کی۔

اس موقع پر لوگوں نے ضلع ترقیاتی کمشنر کو اپنے مسائل سے آگاہ کیا، جن کا ازالہ کرنے کے لئے کمشنر نے افسران کو ہدایت دی کہ وہ مقررہ وقت پر لوگوں کی مشکلات کو دور کرنے میں سنجیدگی سے اقدام اٹھائے۔ ڈپٹی کمشنر نے کئی مسائل موقعے پر ہی حل کئے۔ جس کی مقامی لوگوں نے ستائش کی۔ڈپٹی کمشنر نے ای ٹی وی بھارت کو بتایا کہ حکومت کی جانب سے فیصلہ لیا گیا تھا کہ سب ڈیوژن سطح پر ایسے پروگرام کا انعقاد کیا جائے تاکہ دور دراز علاقوں کے لوگوں کی دشواریوں کو حل کیا جائے۔ انہوں نے کہا انتظامیہ بیک ٹو ولیج مہم میں عوامی مسائل کو حل کرنے کے لئے کاربند ہے۔