Workshop in Anantnag اننت ناگ میں 'سول رجسٹریشن' کے لیے ایک روزہ ورکشاپ کا انعقاد

اننت ناگ کے ڈاک بنگلو میں سول جسٹریشن سسٹم کے لیے او آر جی آئی ( ORGI) سافٹ ویئر کے نفاذ پر ایک روزہ تربیتی ورکشاپ کا انعقاد کیا گیا۔ تربیتی پروگرام میں سی ایم او، بی ایم اوز، بی ڈی اوز، ای اوز اور دیگر اسٹیک ہولڈرز نے شرکت کی۔Workshop in Anantnag

اننت ناگ: محکمہ ایوالویشن اینڈ اسٹیٹکس اننت ناگ اور کولگام نے ڈائریکٹوریٹ آف سینسس آپریشنز کے تعاون سے ڈاک بنگلو کھنہ بل میں سول رجسٹریشن سسٹم کے لیے او آر جی آئی ( ORGI) سافٹ ویئر کے نفاذ پر ایک روزہ تربیتی ورکشاپ کا انعقاد کیا۔Workshop in Anantnag

ماسٹر ٹرینرز نے شرکاء کو سول رجسٹریشن کے آپریشنل طریقہ کار کے بارے میں تربیت دی۔ ڈاکٹر جنید اور ڈاکٹر امتیاز نے متعلقہ افسران کو پوری کارروائی کی وضاحت کی۔ انہوں نے حاضرین کے ساتھ آر بی ڈی ایکٹ کی 32 دفعات پر تبادلہ خیال کیا۔

One-day Workshop on Implementation of ORGI software for Civil Registration

ڈپٹی ڈائریکٹر پلاننگ اننت ناگ، کرشمہ قدرت نے رجسٹریشن کے عمل کی اہمیت پر روشنی ڈالی۔ انہوں نے کہا کہ دونوں سرٹیفکیٹ مختلف سرکاری فوائد حاصل کرنے کے لیے درکار ہیں اور یہ اہم قانونی دستاویزات ہیں۔

انہوں نے کہا کہ ان دستاویزات کو جاری کرنے کے ذمہ دار اہلکاروں کی تربیت ضروری ہے اور غلطی سے پاک میکانزم قائم کیا جائے تاکہ عوام استفادہ حاصل کر سکیں اور بغیر کسی پریشانی کے دستاویزات حاصل کر سکیں۔انہوں نے کہا کہ پیدائش اور اموات کے اندراج میں محکمہ مکمل جانکاری حاصل کرنا چاہتا ہے اور انہیں یقین ہے کہ دیگر محکمے بھی اس کوشش میں تعاون کریں گے۔تربیتی سیشن میں سی ایم او، بی ایم اوز، بی ڈی اوز، ای اوز اور دیگر اسٹیک ہولڈرز نے شرکت کی۔