درخت سے گرنے سے ایک شخص ہلاک

اننت ناگ میں ایک 45 سالہ شخص پیڑ سے گر کر ہلاک ہو گیا، یہ شخص پیڑ پر شاخ تراشی کر رہا تھا.

جموں و کشمیر کے ضلع اننت ناگ کے نوگام ویری ناگ علاقہ میں ایک 45 سالہ مزدور شاخ تراشی کرتے کرتے پیڑ سے گر کر ہلاک ہو گیا۔

مہلوک کی شناخت رین چوگنڑ کے رہنے والے غلام احمد وگے ولد فتیہ محمد وگے کے بطور ہوئی ہے۔

بتایا جا رہا ہے کہ مذکورہ شخص نوگام ویری ناگ میں شاخ تراشی کر رہا تھا، جہاں اچانک اس کا پاؤں پھسل گیا اور وہ زمین پر گر گیا۔

جس کے بعد غلام احمد کو لوگوں نے فوری طور پر نزدیکی ہسپتال پہنچایا، تاہم ڈاکٹروں نے اسے مردہ قرار دے دیا۔

وہیں پولیس نے اس سلسلہ میں ایک معاملہ درج کر کے جانچ شروع کر دی ہے۔