اننت ناگ: چنار ٹاؤن کہلائے جانے والے قصبہ بجبہاڑہ کو مزید جاذب نظر بنانے کی غرض سے حکام خصوصاً میونسپلٹی کمیٹی کی جانب سے کئی اقدامات اٹھائے جا رہے ہیں۔ دریائے جہلم کے کناروں کی صاف صفائی، جگہ جگہ پارکس اور پلوں سمیت دیگر عوامی مقامات پر گلدستے نصب کیے جا رہے ہیں جس سے عوامی حلقوں میں کافی خوشی پائی جا رہی ہے۔Bijbehara Town Beatification
بجبہاڑہ کے باشندوں نے ای ٹی وی بھارت کے ساتھ بات کرتے ہوئے میونسپل کمیٹی بجبہاڑہ کی جانب سے قصبہ کی تزئین و آرائش کے لیے اٹھائے جا رہے اقدامات کی کافی سراہنا کی۔ مقامی باشندوں نے بتایا کہ کہ ’’ایسے اقدامات سے نہ صرف قصبہ کی خوبصورتی میں مزید چار چاند لگ گئے ہیں بلکہ اس سے مقامی باشندوں سمیت یہاں آنے والے سیاح بھی محظوظ ہو جاتے ہیں۔‘‘
بجبہاڑہ مونسپل کمیٹی کے ایگزیکٹیو انجینئر سہیل ملک نے بتایا کہ مرکزی سرکار کی جانب سے جموں و کشمیر کے قصبہ جات کو جاذب نظر بنائے جانے کی غرض سے خصوصی پیکج کو منظوری دی گئی ہے۔ انہوں نے کہا کہ اسمارٹ سٹی پروجیکٹ کے تحت قصبہ بجبہاڑہ کی اہم سڑکوں اور پلوں کے گرد گلدستے لگانے کے ساتھ ساتھ جگہ جگہ پارکس بنائے جا رہے ہیں۔Street Lights in Bijbehara
انہوں نے مزید کہا کہ مستقبل قریب میں اہم شاہراہوں پر فلڈ لائٹس نصب کرنے کے ساتھ ساتھ ڈسپلے اسکرین بھی لگائے جا رہے ہیں۔ ایگزیکٹیو انجینئر کے مطابق قصبہ بجبہاڑہ کو جاذب نظر بنائے جانے کے ساتھ ساتھ مونسپل کمیٹی عوام کو ہر ممکن سہولیت فراہم کرنے کی وعدہ بند ہے۔
مزید پڑھیں: بجبہاڑہ: ندی سے متصل ڈمپنگ سائٹ!
