آزادی کا امرت مہااُتسو کے ایک حصے کے طور پر محکمہ (دستکاری) ہینڈی کرافٹس اور ہینڈلوم کی جانب سے اننت ناگ میں دو روزہ نمائش کا اہتمام کیا گیا۔
اس موقع پر محکمہ کی جانب سے مختلف مصنوعات کی نمائش کے لیے مختلف سٹالز لگائے گئے۔ محکمہ کے افسران، مقامی فنکاروں اور کاریگروں کی بڑی تعداد نے بھی نمائش میں حصہ لیا۔
ہینڈی کرافٹس اینڈ ہینڈلوم کے اسسٹنٹ ڈائریکٹر نے محکمہ کی کارکردگی کے بارے میں تفصیلات فراہم کرتے ہوئے کہا کہ محکمہ مختلف ہنر مند دستکاروں اور کام کرنے والے کاریگروں کی ضروریات کو پورا کر رہا ہے۔
انہوں نے کہا کہ محکمہ کریوال، گبا، چین اسٹک، سوزنی وغیرہ کی تجارت میں خواتین کو غیر جانبدارانہ تربیت دینا، نمائش اور تجارتی میلوں کا اہتمام کرنا، کاریگروں کو پلیٹ فارم مہیا کرانا، کریڈٹ کارڈ اسکیم کے تحت کاریگروں کی مالی ضروریات کو پورا کرنا اور پرانے کاروباریوں کو پھر سے اپنے پیروں پر کھڑا کرنے کے لئے محکمہ مسلسل کام کر رہا ہے۔
یہ بھی پڑھیں: سرینگر میں بھارتی فضائیہ کا ایئر شو
اسسٹنٹ ڈائریکٹر نے کہا کہ ضلع میں 22 ہزار 5 سو سے زائد کاریگر ہیں جبکہ 337 صنعتی مراکز اندراج شدہ ہیں۔ وہیں ضلع میں 28 تربیتی مراکز قائم ہیں، جن میں 14 ہزار 2 سو 98 افراد نے مختلف ہنر میں تربیت مکمل کی ہے۔
