Grenade Attack in Bijbehara: بجبہاڑہ میں گرینیڈ حملہ، ایک سکیورٹی اہلکار زخمی

جنوبی کشمیر کے ضلع اننت ناگ کے پادشاہی باغ علاقہ میں مسلح افراد نے پولیس پارٹی پرگرینیڈ پھینکا۔ حملے میں ایک اہلکار کے معمولی طور پر زخمی ہونے کی اطلاع ہے۔ Grenade Attack in Bijbehara

بجبہاڑہ:ضلع اننت ناگ کے بجبہاڑہ علاقہ کے پادشاہ باغ کے قریب مشتبہ عسکریت پسندوں نے پولیس کی ایک پارٹی پر گرینیڈ پھینکا۔ حملے میں ایک اہلکار زخمی ہوا ہے۔

مشتبہ عسکریت پسندوں نے بدھ کی شام پادشاہی باغ کے قریب پولیس کی ایک گشتی پارٹی پر اس وقت گرینیڈ سے حملہ کیا جب وہ معمول کی گشت پر تھے، تاہم عسکریت پسندوں کا نشانہ چوک گیا، جس کے نتیجہ میں ایک پولیس اہلکار کو معمولی چوٹیں آئیں۔

زخمی پولیس اہلکار کو فوری طور ہر ہسپتال منتقل کیا گیا۔ تاہم اس وقت اس کی حالت مستحکم بتائی جا رہی ہے۔ اس واقعے کے بعد سکیورٹی فورسز نے پورے علاقہ کو محاصرہ میں لے کر حملہ آوروں کی تلاش شروع کردی ہے۔