ضلع انتظامیہ اننت ناگ کی جانب سے ضلع کے کھندرو علاقے سے رشوت خوری کے خلاف ایک ریلی کا اہتمام کیا گیا جس میں درجنوں اسکولی بچوں نے شرکت کی۔
ریلی میں عوام سے اپیل کی گئی کہ وہ رشوت خوری کے خلاف اپنی آواز بلند کریں اور ایسے افراد کی نشاندہی کرنے میں ضلع انتظامیہ کو اپنا تعاون فراہم کریں جو رشوت خوری کے مرتکب ہوں یا اس کا مطالبہ کر رہے ہوں۔
ریلی میں شامل بچے ’’رشوت خوری بند کرو‘‘ اور ’’صاف شفاف ماحول پیدا کرو‘‘ کے نعرے بلند کر رہے تھے۔
ریلی کے قیادت ایڈیشنل ڈپٹی کمشنر اننت ناگ غلام حسن نے کی، ریلی میں سی ای او اننت ناگ اور محکمہ تعلیم کے دیگر افسران نے بھی شرکت کی۔
اس پر موقع ایڈیشنل ڈی سی اننت ناگ نے کہا کہ ’’رشوت لینا یا دینا بیماری سے کم نہیں ہے۔‘‘
مزید پڑھیں؛ اننت ناگ: بندروں کی بھرمار لوگوں کے لیے پریشانی کا باعث
انہوں نے عوام سے اپیل کرتے ہوئے کہا کہ رشوت خوری کا قلع قمع کرنے کے لیے ہر ایک فرد کو اپنا تعاون فراہم کرنا چاہئے، انہوں نے عوام سے رشوت خوری کا خاتمہ کرنے میں انتظامیہ کی مدد کرنے کی اپیل کی۔ انہوں نے کہا: ’’اگر کوئی بھی سرکاری افسر رشوت طلب کرے یا رشوت لے، اس صورت میں فوری طور ضلع انتظامیہ سے رجوع کریں۔‘‘
انہوں نے مزید کہا کہ عوام سے رشوت طلب کرنے والے سرکاری افسران کے خلاف قانونی کارروائی کی جائے گی۔
