ضلع اننت ناگ کے دیالگام میں فوج کی 19 راشٹریہ رائفلز کی جانب سے مقامی پنچوں، سرپنچوں اور مذہبی رہنماؤں کے ساتھ ایک گفتگو سیشن کا انعقاد کیا گیا۔ جس کی صدارت کمپنی کمانڈر میجر راہل جینگیر نے کی۔
پروگرام میں ضلع اننت نآگ کے ذالڈورہ، ہردہ پورہ، ایمو، کامڈ، لارکی پورہ، منٹپورہ، پاپیبل، پیٹھ بگ اور دیگر مختلف علاقوں سے تعلق رکھنے والے چودہ مذہبی رہنما، 29 سرپنچوں، پنچوں کے علاوہ متعدد بزرگ شہریوں نے شرکت کی۔
اس موقع پر موجودہ حالات میں نوجوانوں کی فلاح و بہبود، فوج میں بھرتی و دیگر مختلف موضوعات پر تفصیلی گفتگو کی گئی۔
یہ بھی پڑھیں: گاندربل: بادل پھٹنے سے سیلابی صورتِ حال
گفتگو کے دوران میجر راہل نے شرکاء سے اپیل کرتے ہوئے کہا کہ وہ نوجوانوں کو منشیات کی لت اور دیگر سماجی برائیوں سے دور رکھنے کے لئے اپنا کردار ادا کریں۔ ہنرمند، خواندہ اور باصلاحیت نوجوانوں کو بہتر پلیٹ فارم مہیا کرنے کے لئے فوج ہر ممکن مدد کرنے کے لئے پیش پیش ہے۔
