لوگوں کا کہنا ہے کہ اسپتال میں گزشتہ چند دنوں سے انہیں ٹیسٹ کرنے کے لئے کسی قسم کا تعاون فراہم نہیں ہو رہا ہے۔ جس کی وجہ سے وہ مختلف مسائل سے دو چار ہو رہے ہیں۔ جبکہ کورونا کے مشتبہ افراد عام مریضوں و تیمارداروں کے ساتھ رابطے میں آتے ہیں، جو ایک سنگین مسئلہ ہے۔
لوگوں کا کہنا ہے کہ پہلے اسپتال میں کورونا ٹیسٹ کرانے کے لئے ایک فلو سینٹر قائم کیا گیا تھا جہاں سے کورونا کے لئے نمونے حاصل کیے جاتے تھے۔ لیکن گزشتہ کی روز سے مذکورہ فلو سینٹر نامعلوم وجوہات کی بنا پر بند پڑا ہے۔ جبکہ کورونا جانچ کے لئے آ رہے لوگوں کو کافی مشکلات اور تذبذب کا سامنا کرنا پڑتا ہے۔
ادھر کالج کے میڈیکل سپرنٹنڈنٹ ڈاکٹر محمد اقبال شیخ نے ان الزامات کی تردید کرتے ہوئے کہا کہ اسپتال میں فلو سینٹر کے علاؤہ اب او، پی، ڈی مراکز پر بھی ٹیسٹ کی سہولیات رکھی گئی ہے۔
یہ بھی پڑھیں: اننت ناگ: بادل پھٹنے سے فصلیں برباد
واضح رہے کہ کورونا کی جانچ کے لئے قائم کیے گئے طبی مراکز و ٹیسٹ مراکز پر بھی گائڈ لائنز مرتب کی گئی ہے اور انہی قواعد و ضوابط کے تحت کام کرنے کی تلقین کی گئ ہے۔
لوگوں کا یہ بھی کہنا ہے کہ جس طرح سے اننت ناگ کے ان مراکز میں سوشل ڈسٹینسنگ و دیگر مدعوں کو فراموش کیا جا رہا ہے اسے یقینی طور پر آنے والے وقت میں حالات مزید سنگین ہونے کا خدشہ ہے۔
