برمنگھم: برمنگھم میں آل انگلینڈ بیڈمنٹن اوپن چیمپئن شپ میں بیڈمنٹن اسٹارز گایتری گوپی چند اور ٹریسا جولی نے چین کے لی وین می اور لیو ژوان شوان کو 21-14، 18-21، 21-12 سے شکست دے کر سیمی فائنل میں داخلہ لیا۔ عالمی نمبر 17 بھارتی جوڑی آل انگلینڈ بیڈمنٹن اوپن چمپئن شپ کے پچھلے ایڈیشن کے بھی سیمی فائنل میں پہنچی تھی۔ لیکن گایتری اور ٹریسا کو چینی کھلاڑی شو جیان ژانگ اور یو زھینگ سے شکست کا سامنا کرنا پڑا تھا۔ دنیا کی 17ویں نمبر کی بھارتی جوڑی نے چین کے لی وین می اور لیو ژوان شوان کو ایک گھنٹہ چار منٹ میں شکست دے کر آخری چار داخل ہو گئیں۔
یہ بھی پڑھیں: badminton championship ہریانہ کی انوپما اپادھیائے نیشنل بیڈمنٹن چیمپئن
بیڈمنٹن ایسوسی ایشن آف انڈیا کے سکریٹری جنرل سنجے مشرا نے کہا، "ٹریسا اور گایتری لاجواب ہیں اور ہر کھیل کو پختگی کے ساتھ کھیل رہی ہیں۔ مشکل ترین حالات میں بھی وہ جس طرح کی ہمت کا مظاہرہ کرتی ہیں وہ قابل تعریف ہے۔ آل انگلینڈ میں یہ ان کا مسلسل دوسرا سیمی فائنل ہے اور مجھے امید ہے کہ وہ اپنی شاندار کارکردگی جاری رکھیں گی۔ یہ جوڑی اب ہفتہ کو سیمی فائنل میں کوریائی جوڑی بائک نا ہا/لی سو سے ٹکرائے گی۔ وہیں سابق عالمی نمبر ایک بیڈمنٹن کھلاڑی سائنا نہوال کو پہلے دن ہی شکست کا سامنا کرنا پڑا۔ گایتری گوپی چند اور ٹریسا جولی آل انگلینڈ چیمپئن شپ جیتنے کے لیے پوری طرح تیار ہیں۔ چیمپیئن شپ کے پہلے راؤنڈ میں بھی بھارتی جوڑی نے 7ویں سیڈ جوڑی جونگکولفان کٹیتھاراکول اور راوینڈا پرجونگجائی کو شکست دے کر بڑا الٹ پھیر کیا تھا۔
یو این آئی
