نئی دہلی: راجیہ سبھا نے آج ملک کی عظیم سپرنٹر اور نامزد رکن پی ٹی اوشا کو انڈین اولمپک ایسوسی ایشن کا صدر بننے پر مبارکباد دی۔ راجیہ سبھا کے چیئرمین جگدیپ دھنکھڑ نے پیر کو ایوان کی کارروائی کا آغاز کرتے ہوئے کہا کہ اڑن پری کے نام سے مشہور پی ٹی اوشا کو 10 دسمبر کو انڈین اولمپک ایسوسی ایشن کی پہلی خاتون صدر منتخب کیا گیا ہے۔ انہوں نے کہا کہ وہ اس عہدے پر فائز ہونے والی پہلی اولمپیئن ہیں اور پورے ایوان کی جانب سے پی ٹی اوشا کو مبارکباد دیتے ہیں۔ Rajya Sabha congratulated PT Usha
چیئرمین نے کہا کہ پی ٹی اوشا نے صرف 20 سال کی عمر میں لاس اینجلس میں منعقدہ 1984 کے اولمپک گیمز میں اپنی شاندار کارکردگی سے ملک کا نام روشن کیا۔ اس کے بعد انہوں نے ایشین چیمپئن شپ میں بھی شاندار کارکردگی کا مظاہرہ کیا۔ انہوں نے کہا کہ پی ٹی اوشا کو ان کی بہترین کارکردگی پر ارجن ایوارڈ اور پدم شری ایوارڈ سے نوازا گیا ہے۔
یہ بھی پڑھیں: IOA Elections پی ٹی اوشا باضابطہ طور پر پہلی خاتون صدر بنیں گی
یواین آئی
