دوحہ: قطر کی حکومت نے 2022 فیفا ورلڈ کپ کے میچوں کے دوران اسٹیڈیم میں بیئر کی فروخت پر پابندی لگا دی ہے، حالانکہ خصوصی پرستاروں کے علاقوں میں ابھی بھی شراب کی خریداری کی اجازت ہے۔ بین الاقوامی فٹ بال فیڈریشن (فیفا) نے جمعہ کو یہ اطلاع دی۔ فیفا نے ٹویٹ کیا کہ میزبان ملک کے حکام اور فیفا کے درمیان ہونے والی بات چیت کے بعد، فیفا فین فیسٹیول، دیگر پرستاروں کے مقامات اور لائسنس یافتہ مقامات پر الکوحل والے مشروبات کی فروخت پر توجہ مرکوز کرنے کا فیصلہ کیا گیا ہے۔ قطر کے فیفا ورلڈ کپ 2022 اسٹیڈیم کے دائرے سے بیئر کی فروخت کے مراکز کو ہٹا دیا گیا ہے۔
ایک بیان میں کہا گیا ہے کہ اسٹیڈیم میں غیر الکوحل والی بیئر کی فروخت دستیاب رہے گی۔ خیال ر ہے کہ قطر کو اس فٹ بال ٹورنامنٹ کی تیاریوں کے دوران تنقید کا سامنا کرنا پڑا ہے۔ انسانی حقوق کی بین الاقوامی تنظیموں نے قطری حکام پر تارکین وطن کارکنوں کے حقوق کی خلاف ورزی کا الزام عائد کیا ہے۔ اس کے علاوہ فٹ بال شائقین نے ورلڈ کپ گرمیوں کے بجائے سردیوں میں کرانے کے فیصلے پر ناراضگی کا اظہار کیا ہے۔ ہم جنس پرستی کی عوامی نمائش اور اونچی آواز میں میوزک چلانے پر پابندی پر بھی مداحوں میں ناراضگی پائی جا رہی ہے۔ فیفا ورلڈ کپ 20 نومبر سے دوحہ میں شروع ہوگا۔
یہ بھی پڑھیں: Qatar World Cup 2022 قطر کا فیفا ورلڈ کپ اب تک کا مہنگا ترین ٹورنامنٹ
یواین آئی
