الخور: نیدرلینڈز نے منگل کو گروپ اے کے اپنے میچ میں میزبان قطر کو 0۔2 سے شکست دے کر 2022 فیفا ورلڈ کپ کے سپر-16 راؤنڈ میں جگہ بنا لی۔ البیت اسٹیڈیم میں کھیلے گئے میچ میں نیدرلینڈز کی جانب سے کوڈی گاکپو (26ویں منٹ) اور فرینکی ڈی جونگ (49ویں منٹ) نے گول کیے جب کہ میزبان ٹیم اپنے آخری میچ میں ایک بھی گول نہ کرسکی۔ میزبان قطر ورلڈ کپ 2022 کے گروپ مرحلے کے اپنے تمام میچز ہار کر باہر ہو گیا۔ قطر ٹورنامنٹ میں تین میچ ہارنے والی پہلی میزبان ٹیم بن گئی۔ Netherlands Qualify to Super 16 in World Cup
نیدرلینڈز نے گروپ اے میں سرفہرست پہلے راؤنڈ کو ختم کرنے کے لیے جارحانہ آغاز کیا۔ گاکپو نے 26ویں منٹ میں کلاسن کے ذریعے اپنی ٹیم کو ابتدائی برتری دلائی۔ دوسرے ہاف کے چوتھے منٹ میں ڈی جونگ نے نیدرلینڈز کی برتری کو دگنا کردیا۔ اس میچ میں قطر کی کارکردگی مایوس کن رہی۔ اس کے پاس صرف ایک تہائی وقت گیند تھی اور وہ ڈچ ٹیم کے لیے کبھی خطرہ نہیں تھی۔ نیدرلینڈ تین میچوں میں سات پوائنٹس کے ساتھ سپر 16 میں داخل ہوا جبکہ سینیگال تین میچوں میں چھ پوائنٹس کے ساتھ سپر 16 کے لیے کوالیفائی کرنے والی گروپ اے سے دوسری ٹیم بن گئی۔
