نئی دہلی: پاکستان کرکٹ ٹیم کے سابق کپتان شاہد آفریدی کی بڑی بیٹی اقصٰی آفریدی جمعہ (30 دسمبر) کو رشتہ ازدواج میں منسلک ہوگئیں۔ کراچی میں ہونے والی اس نکاح کی تقریب میں شاہین شاہ آفریدی بھی موجود تھے۔ شاہین اگلے سال فروری میں شاہد آفریدی کی دوسری بیٹی انشا سے شادی کرنے جا رہے ہیں۔Shahid Afridi Daughter Marriage
پاکستان کے سابق کپتان شاہد آفریدی کی بڑی بیٹی اقصٰی آفریدی جمعہ کو کراچی میں ایک شاندار تقریب میں نصیر ناصر خان کے ساتھ شادی کے بندھن میں بندھ گئیں۔ پاکستانی فاسٹ بولر اور شاہد کے ہونے والے داماد شاہین شاہ آفریدی بھی اقصیٰ کی شادی کی تقریب میں موجود تھے۔ اس سے متعلق تصاویر سوشل میڈیا پر کافی وائرل ہو رہی ہیں۔Shahid Afridi Daughter Marriage
آپ کو بتاتے چلیں کہ شاہد آفریدی کی دوسری بڑی بیٹی انشا بھی جلد شادی کے بندھن میں بندھنے والی ہیں۔ انشا آفریدی کی شادی بائیں ہاتھ کے فاسٹ بولر شاہین آفریدی سے ہونے والی ہے۔اطلاعات کے مطابق شاہین انشا کے نکاح کی یہ تقریب کراچی میں ہوگی۔ بعد ازاں اس جوڑے کے استقبالیہ کا بھی اہتمام کیا جائے گا۔ شاہین شاہ آفریدی اس شادی کے بعد ہی پی ایس ایل میں شرکت کریں گے۔Shahid Afridi Daughter Marriage
