وزیرکھیل نے سائی سینٹرزمیں انتظامات کا جائزہ لیا

مرکزی وزیر کھیل كرن ریجیجو نے ملک بھر میں اسپورٹس اتھارٹی آف انڈیا (سائی) کے تمام علاقائی ڈائریکٹرز سے ویڈیو کانفرنس کے ذریعے کھلاڑیوں کے لئے کئے گئے انتظامات کا جائزہ لیا۔

مرکزی وزیرکھیل کرن ریجیجو کے دفتر نے ٹویٹ کر کےکہا کہ تمام کھلاڑی جو گھروں میں ہیں وہ ڈیجیٹل کے ذریعے کوچز کے ساتھ منسلک رہیں تاکہ ان کی ٹریننگ کسی طرح متاثر نہ ہو۔ کھلاڑی اور کوچ ماہرین کے ساتھ سائی کے لائیو سیشن کے ذریعے اپنی جانکاری کو بڑھاتے رہیں۔

وزیرکھیل کا سائی سینٹرزمیں انتظامات کا جائزہ

وزیرکھیل کی سینئر سائی حکام کے ساتھ جائزہ اجلاس میں ریجیجو کو بتایا گیا کہ ایلیٹ کھلاڑیوں کی ٹپس ٹیم نگرانی رکھ رہی ہیں کہ کس طرح وہ وزن کنٹرول کر رہے ہیں اور وہ کس طرح اپنے کوچ، نيوٹرشنسٹ، اسٹرینتھ اور کنڈیشنگ ایکسپرٹ سے منسلک ہیں۔ وزیر کھیل نے تمام کھلاڑیوں کی تعریف کی کہ وہ کورونا کی وجہ سے ملک بھر میں جاری لاک ڈاؤن میں حکومت کی ہدایات پر عمل کر رہے ہیں۔ ریجیجو نے اس بات کی بھی ستائش کی کہ سائی کیمپ میں مقیم کھلاڑی سماجی فاصلے برقرار رکھنے کے ضابطے پر عمل کر رہے ہیں۔