نئی دہلی: بھارت کے محمد حسام الدین نے بدھ کو اردن کے دارالحکومت عمان میں جاری ASBC ایشین ایلیٹ باکسنگ چیمپئن شپ کے دوسرے روز جیت کے ساتھ کوارٹر فائنل میں جگہ بنالی ہے۔ حسام الدین جنہوں نے 2022 کے کامن ویلتھ گیمز میں کانسی کا تمغہ جیتا تھا، ان کا مقابلہ 57 کلوگرام وزن کے زمرے کے پری کوارٹر فائنل میں کرغزستان کے سیٹ بیک اولو منار بیک سے ہوا۔ Hussamuddin and Lakshya advance to quarters at Asian Elite Boxing Championships 2022
بھارتی باکسر نے شاندار آغاز کیا اور پہلے راؤنڈ میں اپنی تکنیکی برتری اور کلین باکسنگ کا مظاہرہ کیا، لیکن حریف نے دوسرے راؤنڈ میں مضبوطی سے واپس آکر اپنی صلاحیت کا مظاہرہ کیا۔ دونوں باکسرز کو فائنل راؤنڈ میں اپنی صلاحیتوں کا مظاہرہ کرنے کا موقع ملا اور دونوں نے شروع ہی سے حملے شروع کر دیے، لیکن حسام الدین نے اپنی ہمت برقرار رکھی اور اپنے حریف کو چکمہ دیا اور 3۔2 سے مقابلے کو جیت لیا۔ کوارٹر فائنل میں حسام الدین کا مقابلہ پاکستان کے الیاس حسین سے ہوگا۔
منگل کی رات دیر گئے، لکشے چاہر (80 کلوگرام) نے پری کوارٹر فائنل میچ میں تاجکستان کے شابوس نیگمٹ کو 5-0 سے ہرا کر کوارٹر فائنل میں داخل ہوا ہے۔ بعد میں آج رات سپارچ کا مقابلہ پری کوارٹر فائنل مقابلے میں اولمپک کانسی کا تمغہ جیتنے والے اور دفاعی عالمی چیمپئن ساکن بیبوسینوف سے ہوگا۔ دو دیگر بھارتی باکسر - سویتا (50 کلوگرام) اور کپل (86 کلوگرام) کل آخری 16 راؤنڈ میں کھیلیں گے۔ اس عالمی ایونٹ میں 27 ممالک کے 267 ٹاپ باکسرز حصہ لے رہے ہیں۔
مزید پڑھیں:
