پہلے دو میچوں میں شاندار کھیل کا مظاہرہ کرنے والی بھارتی ہاکی ٹیم نے اپنی بہترین کارکردگی کا سلسلہ جاری رکھا اور اسپین کو 1- 5 سے شکست دی۔
میچ میں بھارت کی جانب سے ہرمنپریت نے دو جبکہ آکاش دیپ، ایس وی سنیل اور رمن دیپ سنگھ نے ایک ایک گول کئے۔
میچ میں بھارت کی شروعات اچھی نہیں تھی اور حریف ٹیم کے ایگلیسیاس الوارو نے گول کر کے اسپین کو 0-1 کی برتری دلائی لیکن دو منٹ بعد ہی بھارتی ٹیم کی جانب سے آکاش دیپ نے گول کر کے اسکور 1-1 سے برابر کر دیا۔
اس کے بعد پورے میچ میں بھارتی ٹیم کا دبدبہ رہا اور 20 ویں منٹ میں سنیل نے شاندار گول کر کت اسکور 1-2 کر دیا جبکہ 35 ویں منٹ میں رمن دیپ، 41 ویں منٹ میں ہرمنپریت نے گول گول کرکے اسکور 1-4 کر دیا۔
اس کے علاوہ بھارتی ٹیم نے میچ ختم ہونے تک اسپین ٹیم کو میچ میں واپسی کا موقع نہیں دیا اور 51 ویں منٹ میں ہرمنپریت نے ٹیم کا پانچواں اور اپنا دوسرا گول کر کے اسپینی ٹیم کے تابوت میں آخری کیل ٹھونک دی۔
بھارتی ٹیم کا اگلا میچ یکم اکتوبر کو بیلجیئم کے خلاف ہوگا۔
