بلاوایو: نیدرلینڈ نے باس ڈی لیڈ (پانچ وکٹ، 123 رن) کے شاندار آل راؤنڈ کارکردگی کی بدولت ورلڈ کپ کوالیفائر کے سپر-6 مرحلے میں جمعرات کو اسکاٹ لینڈ کو چار وکٹ سے شکست دے کر اہم ٹورنامنٹ میں جگہ بنا لی۔ اسکاٹ لینڈ نے جارج منسی (106) کی سنچری کی مدد سے نیدرلینڈ کے سامنے 50 اوورمیں 278 رن کا ہدف رکھا۔ نیدرلینڈ کو ون ڈے ورلڈ کپ 2023 کے لیے کوالیفائی کرنے کی خاطر یہ ہدف 44 اوور میں حاصل کرنا تھا۔ ڈی لیڈ نے سنچری بنا کر نیدرلینڈز کو 42.5 اوور میں ہدف تک پہنچا کر بھارت میں اکتوبر-نومبر میں ہونے والے ورلڈ کپ 2023 میں داخلہ دلایا۔
-
A stunning heist! 😱
— ICC (@ICC) July 6, 2023 " class="align-text-top noRightClick twitterSection" data="
Netherlands have booked their #CWC23 tickets 🎫✈#SCOvNED pic.twitter.com/pUkn1DsHbT
">A stunning heist! 😱
— ICC (@ICC) July 6, 2023
Netherlands have booked their #CWC23 tickets 🎫✈#SCOvNED pic.twitter.com/pUkn1DsHbTA stunning heist! 😱
— ICC (@ICC) July 6, 2023
Netherlands have booked their #CWC23 tickets 🎫✈#SCOvNED pic.twitter.com/pUkn1DsHbT
ڈی لیڈ نے 92 گیندوں میں سات چوکوں اور پانچ چھکوں کی مدد سے 123 رن بنائے۔ ان کے علاوہ نیدرلینڈ کا کوئی بھی بلے باز نصف سنچری بھی نہیں بنا سکا۔ اس سے پہلے ڈی لیڈ نے 10 اوور میں 52 رن دے کر اسکاٹ لینڈ کے لیے پانچ وکٹ گرائے تھے۔ ڈی لیڈ ایسے چوتھے آل راؤنڈر ہیں جنہوں نے ایک ہی ون ڈے میں پانچ وکٹ گرائے اور سنچری بھی بنائی۔ ان سے پہلے ویوین رچرڈز (ویسٹ انڈیز)، پال کولنگ ووڈ (انگلینڈ) اور روہن مصطفیٰ (متحدہ عرب امارات) نے ایسا کیا ہے۔
یہ بھی پڑھیں:
نیدرلینڈ چھ اکتوبر کو حیدر آباد میں پاکستان کے خلاف اپنے ورلڈ کپ مہم کی شروعات کرے گا۔ بھارت اورنیدرلینڈ دو نومبر کو ممبئی میں آمنے سامنے ہوں گے۔ نیدرلینڈ نے اس جیت کے ساتھ ہی ورلڈ کپ کوالیفائر کے فائنل میں بھی جگہ بنالی، جہاں اس کا مقابلہ اتوار کو سری لنکا سے ہوگا۔ (یو این آئی)
