گواسکر ٹیسٹ کرکٹ میں 10000 رنز کا ہندسہ عبور کرنے والے پہلے بلے باز تھے۔ دائیں ہاتھ کے بلے باز نےاپنے آخری ٹیسٹ میچ میں پاکستان کے خلاف یہ سنگ میل حاصل کیا۔ مارچ 1987 میں احمد آباد میں تاریخ رقم کی گئی۔ گاوسکر نے سرخ گیند کا کھیل ترک کرنے سے پہلے ایک اور ٹیسٹ میچ کھیلا۔
بھارتی لیجنڈ سنیل گواسکر 10 جولائی کو اپنی سالگرہ منا رہے ہیں۔ کھیل کی رونق بڑھانے والے عظیم ترین بلے بازوں میں سے ایک، گواسکر نے اپنے شاندار کیریئر کے دوران 125 ٹیسٹ اور 108 ون ڈے کھیلے۔ انہوں نے تمام فارمیٹس میں بھارتی ٹیم کی قیادت کی اور1985 میں کرکٹ کی عالمی چیمپئن شپ میں خطابی جیت کے لیے مین ان بلیو کی کپتانی کی تھی۔
وہ کپل دیو کی قیادت والی 1983 ورلڈ کپ فاتح ٹیم کا رکن تھے جس نے فائنل میں ویسٹ انڈیز کو شکست دی تھی۔ گواسکر نے ریٹائرمنٹ کے بعد کمنٹری کی اور اب وہ ایک تجربہ کار کرکٹ کمنٹیٹر ہیں۔ انہوں نے آئی پی ایل سے متعلق کاموں کے لیے بی سی سی آئی کے عبوری صدر کے طور پر بھی خدمات انجام دیں۔
گواسکر نے اپنے ٹیسٹ کیریئر کا اختتام 10122 رنز کے ساتھ کیا۔ بھارتی ٹیم کے لیے مسلسل سب سے زیادہ ٹیسٹ میچ کھیلنے کا ریکارڈ بھی گواسکر کے پاس ہے۔ وہ ایک کے بعد ایک 100 سے زیادہ ٹیسٹ کھیلنے والے واحد بھارتی ہیں۔ 1971 میں ٹیسٹ کرکٹ میں ڈیبیو کرنے والے گواسکر نے اپنی اسٹریک 1975 میں شروع کی تھی۔ یہ سلسلہ ان کے آخری ٹیسٹ میچ سے صرف ایک ماہ قبل ختم ہوا۔ انہوں نے 12برسوں کے دوران لگاتار 106 ٹیسٹ کھیلے اور بھارتی ٹیم کے اہم رکن رہے۔ گواسکر نے اس دوران ٹیم کی کپتانی بھی کی۔ ان کی قیادت میں بھارت نے 47 میں سے 9 ٹیسٹ جیتے۔ بھارت نے 8 میچ ہارے جبکہ 30 ٹیسٹ ڈرا ہوئے۔
گواسکر کی عظمت کا اندازہ اس بات سے لگایا جا سکتا ہے کہ ٹیسٹ کرکٹ میں تیز ترین 5000 رن بنانے کا ان کا 42 سالہ پرانا ریکارڈ اب بھی قائم ہے۔ وریندر سہواگ، سچن تنڈولکر، وراٹ کوہلی، راہل دراوڈ اور چیتشور پجارا جیسے کھلاڑی ریکارڈ توڑنے کے قریب پہنچے، لیکن ایسا نہ کرسکے۔ بورڈ آف کنٹرول فار کرکٹ ان انڈیا، انٹرنیشنل کرکٹ کونسل اور ایشین کرکٹ کونسل نے گواسکر کو ان کی سالگرہ پر مبارکباد دی ہے۔
یہ بھی پڑھیں: لٹل ماسٹر سنیل گواسکرکے یوم پیدائش پر خصوصی پیشکش
