میڈیا انڈسٹری کے ناظرین کے اعداد و شمار کے مطابق دنیا کے سب سے مہنگے کھیلوں کے ایونٹ میں سے ایک انڈین پریمیئر لیگ کے ناظرین کی تعداد اس سال مسلسل کم ہو رہی ہے۔ براڈکاسٹ آڈینس ریسرچ کونسل آف انڈیا (BARC) ملک میں ٹیلی ویژن کے ناظرین کا جائزہ لیتی ہے۔ آئی پی ایل کے دوسرے ہفتے یعنی 2 اپریل سے 8 اپریل 2022 کے درمیان ٹی وی ناظرین کی درجہ بندی میں اس کے پہلے ہفتے اور پچھلے سال کی اسی مدت کے مقابلے میں تیزی سے کمی کا رجحان رہا ہے۔ اس سال آئی پی ایل کا آغاز 26 مارچ کو ہوا تھا۔
براڈکاسٹ آڈینس ریسرچ کونسل (BARC) کے تازہ ترین اعداد و شمار کے مطابق دنیا کی امیر ترین کرکٹ لیگ کے 15 ویں ایڈیشن کے ابتدائی ہفتے میں آئی پی ایل 2021 کے بعد سے ٹی وی ناظرین کی درجہ بندی میں 33 فیصد کی کمی واقع ہوئی ہے۔ مجموعی طور پر دیکھنے والوں کی تعداد میں بھی کافی کمی آئی ہے۔ آئی پی ایل 2021 کے مقابلے آئی پی ایل 2022 میں 14 فیصد کا فرق آیا ہے۔ Broadcast Audience Research Council of India
دو مقبول ترین ٹیمیں ممبئی انڈینز اور چنئی سُپر کنگز اچھی کارکردگی نہیں دکھا رہی ہیں: ممبئی انڈینز اور چنئی سُپر کنگز، آئی پی ایل کی تاریخ کی دو سب سے کامیاب ٹیمیں ہیں لیکن رواں برس یہ دونوں ٹیمیں آئی پی ایل 2022 پوائنٹس ٹیبل میں سب سے نیچے ہیں۔ یہ کسی شک کے بغیر کہا جا سکتا ہے کہ ممبئی انڈینز اور چنئی سُپر کنگز آئی پی ایل کی مقبول ترین ٹیموں میں سے ہیں۔ ممبئی نے پانچ بار آئی پی ایل ٹائٹل جیتا ہے جبکہ چنئی چار مرتبہ یہ خطاب اپنے نام کرچکی ہے۔ اس لیے شائقین کرکٹ پُرامید ہیں کہ دونوں ٹیمیں گزشتہ چند برسوں میں مستقل مزاجی کو دیکھتے ہوئے ہر سیزن میں اچھی کارکردگی کا مظاہرہ کریں گی۔ ممبئی اور چنئی پوائنٹس ٹیبل پر سب سے نیچے ہیں اور اگر معاملات جلد بہتر نہ ہوئے تو ان کے پلے آف میں جگہ بنانے کے امکانات بھی ختم ہو جائیں گے۔
رویندر جڈیجہ کی قیادت میں 'دی مین ان یلو' حال ہی میں اپنے چار ابتدائی میچ ہارنے کے بعد اپنی پہلی جیت کا دعویٰ کرنے میں کامیاب ہوئی۔ ٹورنامنٹ میں پچھلے پانچ سیزن میں ان ہی دو حریفوں کا غلبہ رہا ہےممبئی انڈینز نے تین ٹائٹل جیتے ہیں جبکہ چنئی سُپر کنگز نے دو جیتے ہیں۔ سیزن کا ان کا ناقص آغاز ان کے مداحوں کو پریشان کر سکتی تھی جس سے ان کے آخر سے دلچسپی کی کمی ہونا لازمی ہے۔
ممبئی انڈینز اور چنئی سُپر کنگز کی کاکردگی اب تک توقع کے مطابق نہیں رہی: لیگ کی تاریخ کی دو مقبول اور کامیاب ٹیمیں چنئی سُپر کنگز اور ممبئی انڈینز نے اچھی کارکردگی کا مظاہرہ نہیں کیا ہے۔ دونوں فریق جو اپنے درمیان 9 آئی پی ایل ٹائٹل بانٹے ہیں کو ایک جیت کا فارمولہ حاصل کرنا بھی دشوار ہو رہا ہے، حالانکہ چنئی کو 6 کوششوں میں سے صرف ایک میں کامیابی ملی ہے لیکن ممبئی کو 6 میچوں کے بعد بھی جیت کی تلاش ہے۔
آئی پی ایل 2022 میں نئے ریکارڈز: چنئی سُپر کنگز بمقابلہ رائل چیلینجرز بنگلور میچ نے آئی پی ایل 2022 سیزن کے ناظرین کی تعداد کا ریکارڈ قائم کیا ہے۔ اس میچ کے دوران ہاٹ اسٹار ویوز کی تعداد 8.2 ملین تک پہنچ گئی۔ یہ آئی پی ایل 2022 میں اب تک کی سب سے زیادہ ناظرین کی تعداد تھی۔ آئی پی ایل کی تاریخ میں پچھلے سال ممبئی انڈینز بمقابلہ چنئی سُپر کنگز میچ کے دوران 10 ملین سے زیادہ لوگوں نے ہاٹ اسٹار پر دیکھا تھا جو ایک ریکارڈ ہے۔
بڑے ستاروں کی غیر موجودگی: آئی پی ایل 2022 سیزن میں اپنے تین سب سے بڑے اسٹار کھلاڑیوں سے محروم ہے۔ جس میں کرس گیل، اے بی ڈی ویلیئرس اور سریش رائنا کا نام ہے۔ ان کھلاڑیوں نے 2008 میں اس کے آغاز سے ہی اس لیگ کو اپنایا ہے لیکن یہ تینوں کھلاڑی 15ویں ایڈیشن کا حصہ نہیں ہیں۔ مسٹر 360 اے بی ڈی ویلیئرز نے آئی پی ایل 2021 کے سیزن کے اختتام کے بعد تمام طرز کی کرکٹ سے ریٹائرمنٹ کا اعلان کر دیا تھا، دوسری جانب یونیورسل باس کرس گیل نے ٹورنامنٹ سے دستبردار ہونے کا فیصلہ کر لیا۔ اب وہ کبھی بھی آئی پی ایل کرکٹ میں واپس نہیں آسکتے ہیں۔ اس کے علاوہ مسٹر آئی پی ایل سریش رائنا نیلامی میں فروخت نہیں ہوئے اس لیے سابق چنئی سپر کنگز کمنٹری باکس میں نظر آتے ہیں۔ ان تینوں بڑے ناموں کے مداحوں کی تعداد کافی زیادہ ہے اور ان کی عدم موجودگی نے یقینی طور پر اس سیزن میں ناظرین کی دلچسپی کو کم کر دیا ہے۔
