آئی پی ایل 2020: حیدر آباد نے پہلی جیت درج کی

سلامی بلے باز جانی بیئرسٹو (53) کی شاندار نصف سنچری اور افغانستان کے خطرناک لیگ اسپنر راشد خان (14 رنز پر 3 وکٹ) کی شاندار گیند بازی کے دم پر سن رائزرس حیدرآباد نے منگل کے روز دہلی کیپیٹلس کو 15 رنوں سے شکست دے کر آئی پی ایل - 13 میں پہلی جیت درج کی۔

حیدرآباد نے بیئرسٹو (53) کی نصف سنچری اور کپتان ڈیوڈ وارنر (45) اور کین ولیم سن (41) کی شراکت سے 20 اووروں میں چار وکٹوں پر 162 رنوں کا مشکل اسکور بنایا اور اس کے بعد بالر بالخصوص راشد خان کی شاندار کارکردگی سے دہلی کو 20 اووروں میں سات وکٹ پر 147 رنوں کے اسکور پر روک لیا۔

یہ تین میچوں میں حیدرآباد کی پہلی جیت ہے جبکہ دہلی کی تین میچوں میں پہلی شکست ہے۔

راشد خان کی تین وکٹوں کے علاوہ بھونیشور کمار نے 25 رن دے کر دو وکٹیں حاصل کیں جبکہ خلیل احمد اور ٹی نٹراجن نے ایک ایک وکٹ حاصل کی۔