سن رائزرس حیدر آباد کی جانب سے ڈیوڈ وارنر اور جانی بیرسٹو نے اننگ کی شروعات کی اور پہلے وکٹ کے لیے 77 رنز کی پارٹنرشپ کی۔ کپتان ڈیوڈ وارنر 45 رنز بنا کر امت مشرا کی گیند پر آؤٹ ہوئے۔
اس کے بعد منیش پانڈے کریز پر آئے لیکن زیادہ دیر نہیں ٹک سکے اور محض 3 رنز پر وہ بھی امت مشرا کا شکار بنے۔
دوسری جانب سے جانی بیرسٹو نے محاذ سنبھالے رکھا اور نصف سنچری بنائی۔ بیرسٹو نے 48 گیندوں می 53 رنز کی اننگ کھیلی، انہیں کگیسو رباڈا نے آؤٹ کیا۔
اس سیزن میں اپنا پہلا میچ کھیل رہے کین ولیمسن نے 26 گیندوں میں 41 رنز بنائے۔
دہلی کیپیٹلز کی جانب سے کگیسو رباڈا اور امت مشرا نے دو دو وکٹیں حاصل کیں۔
