رائل چیلینجرز بنگلور نے ٹاس جیت کر دہلی کیپیٹلز کو بلے بازی کی دعوت دی تھی۔ شکھر دھون اور پرتھوی شا نے اننگ کی شروعات کی اور پہلے وکٹ کے لیے 68 رنز کی پارٹنرشپ کی۔
پرتھوی شا نصف سنچری مکمل نہیں کرسکے اور محمد سراج کی گیند پر آؤٹ ہوئے، انہوں نے 23 گیندوں میں 5 چوکوں اور 2 چھکوں کی مدد سے 42 رنز بنائے جبکہ شکھر دھون 28 گیندوں میں 32 رنز کی اننگ کھیلی۔
اس کے بعد گزشتہ میچ میں شاندار بلے بازی کرنے والے کپتان شریس ایر اس میچ میں ناکام ہوگئے اور محض 11 رنز بنا کر معین علی کا شکار بنے۔
تاہم وکٹ کیپر بلے باز رشبھ پنت اور آل راؤنڈر مرکس اسٹوئنس نے ٹیم کو بحران ست نکالا اور چوتھے وکٹ کے لیے 89 رنز کیا کی پارٹنرشپ کی۔
رشبھ پنت نے 25 گیندوں میں 37 رنز بنائے جبکہ اسٹوئنس نے 26 گیندوں میں 6 چوکوں اور 2 چھکوں کی مدد سے 53 رنز کی اننگ کھیلی۔
بنگلور کی جانب سے محمد سراج نے 2 وکٹیں حاصل کیں جبکہ اسورو ادانا اور معین علی نے ایک ایک بلے باز کو پویلین کی راہ دکھائی۔
