کولمبو:بھارتی کرکٹ ٹیم کے کپتان روہت شرما نے کہا کہ انہیں یقین ہے کہ ٹورنامنٹ سے قبل ٹیم مکمل طور پر فٹ ہو جائے گی، اکشر پٹیل اور شریس 8 اکتوبر کو ہونے والے افتتاحی میچ سے قبل مکمل طور پر فٹ ہو جائیں گے۔ اکشر کلائی کی چوٹ اور بائیں کواڈریسیپ میں معمولی چوٹ کی وجہ سے ایشیا کپ کے فائنل کے لیے دستیاب نہیں تھے۔ ایشیا کپ کے فائنل میں سری لنکا کے خلاف 10 وکٹوں کی جیت کے بعد، روہت نے اکشر کے بارے میں کہاکہ ایسا لگتا ہے کہ انھیں ٹھیک ہونے میں شاید ایک ہفتہ یا 10 دن لگیں گے، مجھے نہیں معلوم۔ ہمیں یہ دیکھنا ہو گا کہ چوٹ کی پوزیشن کیا ہے۔ کچھ لوگ جلد صحت یاب ہو جاتے ہیں اور مجھے امید ہے کہ ان کے ساتھ بھی ایسا ہی ہوگا۔ مجھے یقین نہیں ہے کہ وہ آسٹریلیا کے خلاف اپنے گھر پر پہلے دو میچ کھیل پائیں گے یا نہیں۔ لیکن ہم انتظار کریں گے اور دیکھیں گے۔
ہندوستانی کپتان نے شریس ایر اور روی چندرن اشون کے بارے میں بھی بات کی اور کہا، "شریس فائنل کے لیے دستیاب نہیں تھے کیونکہ ان کے انتخاب کے لیے کچھ پیرامیٹرز رکھے گئے تھے۔ مجھے لگتا ہے کہ انہوں نے آج اس میں سے زیادہ تر کامیابی حاصل کی ہے۔ میں یہ کہہ سکتا ہوں وہ ابھی تک 99 فیصد ٹھیک ہیں۔ جہاں تک اشون کا تعلق ہے، اسپن بولنگ آل راؤنڈر اب بھی ہندوستان کے کرکٹ ورلڈ کپ اسکواڈ میں جگہ کی دوڑ میں ہیں، اس کے باوجود کہ انہیں ایشیا کپ فائنل کے لیے اکشر کے متبادل کے طور پر نہیں بلایا گیا تھا۔
یہ بھی پڑھیں:ICC World Cup 2023 ورلڈ کپ سے قبل ون ڈے ٹیم کی ٹاپ رینکنگ کی دوڑ تیز
انہوں نے کہاکہ آل راؤنڈر واشنگٹن سندر کو 11 ویں گھنٹے پر دستیاب ہونے کی وجہ سے ترجیح دی گئی جب وہ چین کے ہانگزو میں ہندوستان کے ایشیائی کھیلوں کی تیاری کر رہے تھے۔ ایک اسپنر آل راؤنڈر کے طور پر، اشون قطار میں ہیں، میں ان سے فون پر بات کر رہا ہوں۔ اکشر آخری لمحات میں زخمی ہو گئے۔ واشنگٹن دستیاب تھے، اس لیے انہیں آنا پڑا اور ہمارے لیے کردار ادا کرنا پڑا۔ واشنگٹن کرکٹ کے لیے فٹ تھے اور بنگلورو میں ایشین گیمز کے کیمپ کا حصہ تھے۔ میں کھلاڑیوں کے ساتھ ان کے کردار کے بارے میں بہت واضح ہوں۔
یواین آئی
