برسبین ٹیسٹ میں آسٹریلیا کو 3 وکٹوں سے شکست دے کر سیریز پر 1-2 سے قبضہ کر لیا جس کے بعد مودی نے ٹیم کو جیت کی مبارکباد دی۔
نریندر مودی نے ٹویٹر پر لکھا کہ 'آسٹریلیا میں بھارتی کرکٹ ٹیم کی کامیابی پر ہم سب خوش ہیں۔ ان کی قابل ذکر طاقت توانائی اور جنون پوری طرح سے نظر آرہا تھا۔ ان کا ارادہ عمدہ، تحمل قابل ذکر اور پُرعزم تھا۔ بھارتی ٹیم کو مبارکباد اور مستقبل کے لیے نیک خواہشات'۔
اس کے علاوہ مرکزی وزیر دفاع راج ناتھ سنگھ نے بھی ٹیم کو مبارکباد پیش کی۔
راج ناتھ سنگھ نے ٹویٹر پر لکھا کہ ' بھارتی ٹیم نے برسبین میں بہت ہی بہتر کھیل کا مظاہرہ کیا۔ یہ حالیہ برسوں میں سب سے زیادہ یاد رکھا جانے والا مقابلہ ہے۔ آسٹریلیا کے خلاف سیریز جیتنے کے لیے بھارتی کرکٹ ٹیم کو بہت بہت مبارکباد۔ آسٹریلیائی سرزمین پر یہ جیت واقعی قابل ذکر ہے۔
