ٹیم انڈیا کے ماہر بلے باز چتیشور پجارا نے ٹیسٹ کرکٹ میں ایک بڑا کارنامہ انجام دیا ہے۔ چھتیشور پجارا نے کرکٹ کے سب سے طویل فارمیٹ میں 6000 رنز مکمل کرلیے۔ انہوں نے یہ کارنامہ اس وقت انجام دیا جب وہ 47 رنز کے اسکور پر پہنچے، اس طرح انہوں نے اپنے لیے ایک الگ مقام حاصل کرلیا۔ وہ اس عدد کو چھونے والے ٹیم انڈیا کے 11 ویں کھلاڑی بن گئے ہیں۔
بھارت اور آسٹریلیا کے مابین سڈنی ٹیسٹ کے 5 ویں دن، چتیشور پجارا حیرت انگیز کارنامہ انجام دینے والے بھارتی کرکٹرس کی فہرست میں شامل ہوگئے۔ جب انہوں نے یہ کارنامہ انجام دیا تو وہ ٹیسٹ کرکٹ میں ایک نیا ریکارڈ قائم کرتے ہوئے بھارتی بلے بازوں کی اس فہرست میں بھی شامل ہوگئے ہیں جس میں اس سے قبل صرف دس کھلاڑی ہی شامل تھے۔
