رائے پور: شہید ویر نارائن سنگھ کرکٹ اسٹیڈیم میں جاری روڈ سیفٹی ورلڈ سیریز کا پہلا سیمی فائنل میچ انڈیا لیجنڈز نے جیت لیا ہے۔ انڈیا لیجنڈز نے آسٹریلیا لیجنڈز کو شکست دے کر فائنل میں جگہ بنا لی ہے۔ عرفان پٹھان نے چھکا لگا کر میچ جیت لیا۔ چھٹے نمبر پر بیٹنگ کرنے آئے عرفان پٹھان نے 4 چھکے لگا کر انڈیا لیجنڈز کو فائنل میں پہنچا دیا ہے۔ Exclusive Interview with Irfan Pathan
بھارتی کرکٹ ٹیم کے سابق آل راؤنڈر عرفان پٹھان نے کہاکہ "آج کا میچ بہت اچھا اور مشکل تھا۔ ایک موقع پر ایسا لگ رہا تھا کہ میچ ہمارے ہاتھ سے دور ہوتا جا رہا ہے۔ نمن اوجھا کی بیٹنگ بہت اچھی تھی۔ ابھیمنیو متھن نے بہت اچھی بولڈ کی۔ مجموعی طور پر ہماری پوری ٹیم نے شاندار کارکردگی کا مظاہرہ کیا۔
روڈ سیفٹی ورلڈ سیریز کا پہلا سیمی فائنل آج کھیلا گیا، جس میں انڈیا لیجنڈ نے جیت کر فائنل کے لیے کوالیفائی کر لیا ہے۔ روڈ سیفٹی ورلڈ سیریز کا دوسرا سیمی فائنل آج سری لنکا اور ویسٹ انڈیز کے درمیان کھیلا جائے گا۔ روڈ سیفٹی ورلڈ سیریز کا فائنل میچ یکم اکتوبر کو رائے پور سے شہید ویر نارائن سنگھ کرکٹ اسٹیڈیم میں کھیلا جائے گا۔
مزید پڑھیں:
