ممبئی:سنیل گاوسکر نے کہاکہ جو بھی احمق جو پچ بدلنے کی بات کر رہے ہیں، مجھے امید ہے کہ وہ چپ ہو جائیں گے اور ہندوستان کو نشانہ بنانا بند کر دیں گے۔ پچ کی تبدیلی کے بارے میں بات نہ کریں۔ یہ دونوں ٹیموں کے لیے تھی۔
انہوں نے کہا کہ دوسرا سیمی فائنل ابھی نہیں ہوا ہے اور وہ احمد آباد میں پچ بدلنے کی بات کر رہے ہیں۔انٹرنیشنل کرکٹ کونسل (آئی سی سی) نے بھی بعد میں یہ واضح کیا کہ سطح میں تبدیلی سے قبل آزاد پچ کنسلٹنٹ اینڈی ایٹکنسن کو اعتماد میں لیا گیا تھا۔
کونسل نے کہاکہ آخری لمحات میں پچ کی تبدیلی ایک عام طریقہ کار ہے کیونکہ اس قسم کا ٹورنامنٹ طویل ہوتا ہے اور ماضی میں بھی ایسا کئی بار ہو چکا ہے۔انہوں نے کہا کہ یہ تبدیلی ہمارے میزبان کے ساتھ مل کر وینیو کیوریٹر کی سفارش پر کی گئی ہے۔ آئی سی سی نے کہا کہ اٹکنسن ہمارے آزاد پچ کنسلٹنٹ ہیں اور تبدیلی سے آگاہ تھے۔
آئی سی سی نے کہاکہ آئی سی سی کے آزاد پچ کنسلٹنٹ کو تبدیلی کے بارے میں مطلع کیا گیا تھا اور اس کے پاس یہ ماننے کی کوئی وجہ نہیں ہے کہ پچ اچھی نہیں کھیلے گی۔
یہ بھی پڑھیں:بھارت نیوزی لینڈ سیمی فائنل میچ کی خوبصورت جھلکیاں
آئی سی سی ورلڈ کپ میں کھیل کے حالات کے مطابق میزبان ایسوسی ایشن پچ کا انتخاب اور اسے تیار کرنے کی ذمہ دارہے اور ضروری نہیں کہ ناک آؤٹ میچز تازہ پچوں پر ہی کھیلے جائی۔
یو این آئی
