ٹیم انڈیا نے پانچ میچوں کی ٹی ٹونٹی سیریز کے پہلے میچ میں ٹاس جیتنے کے بعد پہلے بولنگ کا فیصلہ کیا۔
نیوزی لینڈ کی بلے بازی کافی شاندار رہی جس میں مارٹن گپٹل اور کولن منرو نے پہلی وکٹ کے لیے 80 رنز کی شراکت داری کی۔
مارٹن گپٹل نے 19 گیندوں پر 30 رنز بنائے اور کولن منرو نے 42 گیندوں میں 59 رنز بنائے جس میں 6 چوکے اور 2 چھکے بھی شامل تھے۔
کیوی کپتان کین ولیمسن نے 26 گیندوں پر 51 رنز بنائے انہوں نے اپنی اننگز میں چار چوکے اور چار چھکے لگائے جبکہ سینیئر بلے باز راس ٹیلر نے 27 گیندوں پر 54 رنز بنائے۔
ٹیم انڈیا کی جانب سے شاردال ٹھاکر ، یوزویندر چہل ، جسپریت بمراہ ، رویندر جڈیجا اور شیوم دبی نے 1-1 وکٹ حاصل کیے۔
204 رنز کے ھدف کا تعاقب کرتے ہوئے بھارت نے 6 اوورز میں ایک وکٹ کے نقصان پر 65 رنز بنا لیے ہیں۔
