شکیب الحسن کی چھٹی کی درخواست منظور

بنگلہ دیش کرکٹ بورڈ نے سرکردہ آل راونڈر شکیب الحسن کی 'پیٹرنٹی لیو' کی درخواست منظور کرلی ہے۔ انہیں ٹیم کے آئندہ نیوزی لینڈ دورے سے آرام دیا گیا ہے۔

بنگلہ دیش کرکٹ بورڈ کے عہدیدار اکرم خان نے کہا کہ ہم نے شکیب الحسن کو نیوزی لینڈ دورے کے لیے ٹیم میں شامل نہیں کیا ہے۔

شکیب نے پیٹرنٹی لیو کے لیے عرضی دیتے ہوئے بورڈ سے درخواست کی تھی کہ انہیں آئندہ ماہ نیوزی لینڈ دورے کے لیے دستیاب کھلاڑیوں کی فہرست میں نہ رکھا جائے کیونکہ وہ بچے کی پیدائش کے وقت اپنی بیوی کے ساتھ رہنا چاہتے ہیں۔

واضح رہے کہ بنگلہ دیش ٹیم 24 فروری کو نیوزی لینڈ روانہ ہوگی۔ دونوں ٹیموں کے درمیان 20، 23 اور 26 مارچ کو تین یک روزہ میچ کھیلے جائیں گے۔