اشون کو دہلی نے کھلاڑیوں کے ٹریڈ میں اپنی ٹیم میں شامل کیا ہے جبکہ بائیں ہاتھ کے اسپنر جگدیش سچت کو کنگز الیون پنجاب نے ریلیز کر دیا ہے۔
دہلی کیپٹلس کے شریک مالک پارتھ جندل نے کہاکہ میں سچت کو نیک خواہشات دیتا ہوں اور مجھے یقین ہے کہ نئی ٹیم میں وہ اچھا مظاہرہ کرے گا۔
میں پورے دل سے دہلی کیپٹلس پریوار میں اشون کو شامل کرتا ہوں۔ وہ ایک بہترین اسپنر ہیں اور ان کے پاس بھارت اور آئی پی ایل میں کھیلنے کا بہترین تجربہ ہے۔ ہمیں یقین ہے کہ ان کی موجودگی سے ہمیں فائدہ ملے گا۔
دہلی کے چیف کوچ رکی پونٹنگ نے خوشی کا اظہار کرتے ہوئے کہاکہ اشون کسی بھی ٹیم میں جائیں وہ اہم کھلاڑی ہیں۔ دہلی کو بھی ان سے فائدہ ملے گا۔
ہماری گھریلو پچ کافی سست ہے اور اسپنروں کو اس پر مدد ملتی ہے۔ اشون یہاں متاثر کن رہیں گے۔
اشون حال ہی میں پنجاب سے الگ ہوئے تھے جس کے وہ کپتان بھی تھے۔ وہ آئی پی ایل میں چنئی سپر کنگز کی طویل عرصے تک حصہ رہے اور 2010 اور 2011 میں اس کی خطابی جیت میں اہم کردار ادا کیا۔
اس کے علاوہ پنے سپرجائنٹس اور کنگز الیون پنجاب میں وہ کھیل چکے ہیں۔
