نیوزی لینڈ کے خلاف ہونے والی ٹی 20 سیریز پر 0-5 سے تاریخی جیت درج کرنے والی بھارتی ٹیم کی خوشی اس وقت ماند پڑ گئی جب آخری میچ میں ایک مرتبہ پھر سے بھارتی ٹیم پر جرمانہ عائد کیا گیا۔
نیوزی لینڈ کے خلاف پانچ میچوں کی سیریز میں بھارتی ٹیم پر مسلسل دوسرے میچ میں اس طرح کا جرمانہ عائد کیا گیا ہے، بھارتی ٹیم پر چوتھے میچ میں بھی سست اوور ریٹ کے لیے فیس کا 40 فیصدجرمانہ عائد کیا گیا تھا۔
آخری میچ میں بھارت مقررہ وقت سے ایک اوور پیچھے رہ گیا تھا جس کی وجہ سے اس پر 20 فیصد جرمانہ لگایا ہے۔
اس سیریز میں یہ دوسرا موقع ہے جب بھارتی ٹیم پر سست اوور ریٹ پر جرمانہ لگایا گیا ہے، اس سے قبل ویلنگٹن ٹی 20مقابلے میں بھی جرمانہ عائد کیا گیا تھا۔
میچ ریفری کرس براڈ نے سست اوور ریٹ پر آئی سی سی کوڈ آف کنڈکٹ کے سیکشن 2.22 کے تحت جرمانہ لگایا ہے جس کے مطابق ہر سست اوور پر میچ فیس کا20 فیصد جرمانہ لگایا جاتا ہے، میدانی امپائر کرس براؤن، شان ہیگ اور تیسرے امپائر ایشلے مہروترا نے ٹیم انڈیا پر جرمانہ لگایا۔
