ویسٹ انڈیز کی شیکرا سیلمین بھارت کے خلاف منگل کو پریکٹس میچ کے دوران ایک کیچ لینے کی کوشش میں اپنی گردن میں چوٹ لگا بیٹھیں۔
برسبین میں ایلن بارڈر فیلڈ گراؤنڈ میں بھارت نے ٹاس جیتنے کے بعد نے پہلے بیٹنگ کا فیصلہ کیا تھا ۔
واضح رہے کہ کچھ دن قبل شہر میں بارش کے سبب میدان مکمل طور پر خشک نہیں تھا ۔
سلیمین نے مڈ وکٹ باؤنڈری لائن پر بھارت کی سلامی بلے باز سمرتی مندھانا کے ایک شاٹ پر کیچ کرنے کی کوشش کی جس کے دوران وہ زمین پر گر پڑیں ۔
زمین پر گرنے کے دوران بھی انہوں نے گیند کو کیچ کرنے کی کوشش جاری رکھی ، اور اس کوشش میں وہ عجیب طریقے سے گریں اور ان کی گردن پر چوٹ آئی ۔
احتیاطی طور پر جانچ اور اسکین کے لئے ا نہیں سٹی اسپتال لے جایا گیا ۔
30 سالہ سیلمین ویسٹ انڈیز کی سب سے تجربہ کار گیند بازوں میں سے ایک ہیں ، اور انہوں نے 76 ٹی 20 میچوں میں شرکت کی ہے اور 26.53 کی اوسط سے 41 وکٹیں حاصل کی ہیں ۔
ویسٹ انڈیز کی گیند باز نے عمدہ کارکردگی کا مظاہرہ کیا اور باقاعدگی سے وکٹیں حاصل کیں ۔ بھارت نے اپنے 20 اوورز میں 8 وکٹ کے نقصان پر 107 رنز بنالئے ہیں ۔
