انگلینڈ کے مشہور اسپینر مونٹی پنیسر کا خیال ہے کہ جاریہ سال کے اواخر میں منعقد ہونے والے مینس ٹی ٹوئنٹی ورلڈ کپ کو ملتوی کردینا چاہئے کیونکہ ورلڈ کپ کے دوران دنیا بھر سے آئے ہوئے کھلاڑیوں کی وجہ سے آسٹریلیا میں کورونا کے پھیلنے کا خدشہ بڑھ سکتا ہے۔
آئی پی ایل کے 13 ویں ایڈیشن جسے وبائی مرض کے پیش نظر غیرمعینہ مدت کے لیے ملتوی کردیا گیا کے بارے میں بات کرتے ہوئے مونٹی پنیسر نے کہا کہ 'میرے خیال میں ٹی ٹوئنٹی ورلڈ کپ اس سال منعقد نہیں ہوگا جبکہ آئی پی ایل کو اکتوبر۔نومبر میں منعقد کرنا چاہئے۔'
جب ان سے یہ پوچھا گیا کہ، کیا بی سی سی آئی کو آئی پی ایل بیرون ممالک میں کھلانا چاہئے؟ مونٹی پنیسر نے کہا کہ 'بی سی سی آئی کو جب تک ممکن ہو، اپنا کنٹرول برقرار رکھنا چاہئے۔'
انگلینڈ کی مثال دیتے ہوئے بائیں ہاتھ کے اسپینر نے کہا کہ 'ڈرامائی انداز میں چیزیں تبدیل ہوسکتی ہیں اور بھارتی ٹیم بھی عروج پر پہنچ سکتی ہے جبکہ اس کے معاملات میں جون کے اواخر یا وسط جولائی یا پھر اگست کے آغاز تک بہتری آسکتی ہے۔'
بھارت میں 2021 کے دوران ٹی ٹوئنٹی ورلڈ کپ اور ویمنز ورلڈ کپ منعقد ہوں گے۔ لہذا اگر آسٹریلیا میں منعقدہ ہونے والا 2020 ورلڈکپ اگر اگلے سال کےلیے ملتوی ہوجاتا ہے تو کیا آئی سی سی بھارت میں منعقد ہونے والے ورلڈ کپ کو منسوخ یا ملتوی کرسکتا ہے۔
جب اس بارے میں پوچھا گیا تو مونٹی پنیسر نے کہا کہ ’میرے خیال سے جاریہ سال آئی پی ایل منعقد ہونا چاہئے اور اگلے سال آسٹریلیا اور نیوزی لینڈ کو ٹی ٹوئنٹی ورلڈ کپ کی میزبانی کا موقع دیا جانا چاہئے۔ بھارت میں کھیلے جانے والے ورلڈکپ کو اگلے سال کےلیے ملتوی کردیا جانا چاہئے۔
ای وی ٹی بھارت کے خصوصی انٹرویو میں انگلینڈ کے سابق کھلاڑی مونٹی پنیسر نے کرکٹ سے متعلق بہت سارے دلچسپ تبصرے کئے۔
