جنوبی افریقہ کرکٹ بورڈ کے تمام ممبران نے استعفیٰ دے دیا ہے۔
گزشتہ روز مستعفی ہونے والے ممبران میں ڈونووین مے، ٹیبوگو سیکو، انجیلو کیرولین، جان موگودی اور ڈیوین دھرملنگم شامل ہیں۔ بورڈ کے باقی چار ممبران جولا تھامے، ماریس شومین، یوجینیا کولا امائیف اور یووکجی میمانی سیڈائل نے بھی استعفی دے دیا۔
جمعرات کو جنوبی افریقہ کرکٹ کی اعلیٰ ترین فیصلہ سازی کونسل نے بورڈ کے تمام ممبروں سے استعفی دینے کے لیے کہا تھا اور بورڈ کے تمام ممبران نے کونسل کے اس حکم کے بعد استعفیٰ دے دیا ہے۔
کونسل نے تمام بورڈ ممبران سے جمعرات کے روز ملک میں کرکٹ کی حالت اور سی ایس اے کے بارے میں ہونے والے ایک اجلاس کے بعد استعفی دینے کو کہا تھا۔ اس وقت بورڈ کے کسی بھی رکن نے استعفیٰ پیش نہیں کیا تھا اور سی ایس اے نے ایک بیان جاری کیا جس کی تصدیق کی گئی تھی۔
سی ایس اے نے آج ٹویٹ کیا کہ کونسل نے تمام بورڈ ممبران سے جنوبی افریقہ میں کرکٹ کے مفاد میں استعفی دینے کے لیے کہا تھا۔ اب بورڈ کے تمام آزاد اور غیر آزاد ڈائریکٹرز نے استعفیٰ دے دیا ہے۔
