'حالات معمول ہونے پر ہی آئی پی ایل ممکن'

بین الاقوامی کرکٹ میں ہٹ مین کے نام سے مشہور روہت شرما کہنا ہے کہ آئی پی ایل کے انعقاد میں جلدبازی ضروری نہیں ہے۔

بھارتی کرکٹ ٹیم کے اسٹار بلے باز روہت شرما کا کہنا ہے کہ کورونا وائرس کو لے کر حالات معمول ہونے پر ہی آئی پی ایل کے انعقاد پر کچھ واضح کہا جا سکے گا۔

'حالات معمول ہونے پر ہی آئی پی ایل ممکن'

روہت نے آسٹریلیا کے اوپنر ڈیوڈ وارنر کے ساتھ انسٹاگرام لائیو چیٹ میں کہا کہ کسی نہ کسی مرحلے پر جاکر آئی پی ایل ہونا تو طے ہے لیکن یہ کب ہوگا اس کو لے کر کچھ بھی واضح نہیں ہے۔ ایک بار سب کچھ معمول پرہونے پر ہم آئی پی ایل کے انعقاد پر فیصلہ لے سکیں گے۔

'حالات معمول ہونے پر ہی آئی پی ایل ممکن'

آئی پی ایل کو 29 مارچ سے شروع ہونا تھا لیکن پہلے لاک ڈاؤن کی وجہ سے اسے 15 اپریل تک ملتوی کیا گیا تھا اور 14 اپریل کو لاک ڈاؤن کو تین مئی تک بڑھائے جانے کے اگلے دن بی سی سی آئی نے آئی پی ایل کو غیر معینہ مدت کے لئے ملتوی کر دیا تھا۔