پاکستان کرکٹ ٹیم کے سابق کپتان اور آل راؤنڈر شاہد آفریدی نے ٹوئٹ کرکے وزیرِ اعظم عمران خان کی توجہ چین میں بسنے والے اویغور مسلمانوں کے خلاف انسانی حقوق کی مبینہ خلاف ورزیوں کی جانب دلوانے کے لیے ٹوئٹر کا سہارا لیا۔ تاہم کچھ ہی دیر میں انھوں نے یہ ٹویٹس ڈیلیٹ کر دیں۔ چینی حکام کی ناراضگی کے بعد شاہد آفریدی نے اپنا ٹوئٹ واپس لینے میں ہی بھلائی سمجھی
گزشتہ 22 دسمبر کو کیے گیے ٹوئٹ میں شاہد آفریدی نے کہاتھاکہ اویغور کی حالت زار جان کر پریشان ہوں۔
انہوں نے کہاتھاکہ میں نے پاکستانی وزیراعظم عمران خان کواس کی اطلاع دی ہے۔ االتجا ہے کہ آپ امہ کو متحد کرنے کی بات کرتے ہیں تو اس بارے میں بھی تھوڑا سوچیں اور چینی حکومت سے التجا ہے کہ خدارا اپنے ملک میں مسلمانوں کے ساتھ امتیازی سلوک روکیں۔‘
شاہد آفریدی نے اپنے ٹویٹ میں پاکستان میں چینی سفارت خانے کو بھی ٹیگ کیا جس کے ردِ عمل میں پاکستان میں چین کی وزارت خارجہ کے ایک اعلیٰ اہلکار لیجن چاؤ نے ٹویٹ کیا کہ خلاف مغربی پراپوگینڈہ نے گمراہ کر دیا ہے۔‘
چینی وزارت خارجہ کے محکمہ اطلاعات کے ڈپٹی ڈائریکٹر جنرل نے مزید لکھا کہ: ’اگر آپ خود سنکیاگ صوبے کا دورہ کرنا چاہیں تو ہم آپ کو خوش آمدید کہیں گے۔ مغرب چین کو بدنام کر رہا ہے اور مسلمانوں کے جذبات مجروح کر رہا ہے۔‘
چینی حکام کے ٹویٹ کے بعد پاکستانی آل راؤنڈر شاہد آفریدی نے اپنا ٹوئٹ واپس لے لیا اوراس ضمن میں خاموشی اختیار کرلی ۔
:
