کپل 11 جولائی کو دہلی گولف کلب میں دوسرے کھلاڑیوں سابق کرکٹر مرلی کارتک اور ملک کے ٹاپ گولفر شبھنکر شرما کے ساتھ خیراتی کاموں کے لئے ایک کروڑ روپے اکٹھا کرنے کا ارادہ سے چیریٹی گولف میچ میں شرکت کریں گے۔
سابق بھارتی کپتان کپل دیو نے مقابلے میں حصہ لینے کے بارے میں کہا کہ جب ملک کسی مشکل وقت سے گزر رہا ہے تو ہمارا فرض ہے کہ ہم اپنی جانب سے ہر ممکن مدد کریں جو ہم اپنی جانب سے کرسکتے ہیں۔
یہ ایک بہت اچھا قدم ہے اور یہ ایک کھلاڑی کے لئے انتہائی جوش و خروش کی بات ہے کہ ہمیں ملک کے بہترین گولفرز کے ساتھ کھیلنے کا موقع ملے گا۔
اس چیریٹی میچ میں کپل کے جوڑیدار بننے جارہے ایشین ٹور فاتح اور ارجن ایوارڈ یافتہ گگن جیت بھلر نے کہا کہ یہ بہت اچھی بات ہے کہ کرکٹ اور گولف اس طرح کی ایک اہم پہل کے لئے اکٹھے ہو رہے ہیں۔
دونوں کھیلوں نے کئی دہائیوں سے سماجی شمولیت کے لئے اپنے اپنے طریقوں سے کام کیا ہے۔ اس طرح کے اقدام کی اب بہت ضرورت ہے اور میں بہت خوش ہوں کہ میں اس میں اپنا حصہ ڈالنے کے قابل ہوں۔
