پاکستان کرکٹ ٹیم کے 20 برس کے بائیں ہاتھ کے تیز گیند باز شاہین شاہ آفریدی نے پاکستان کے سابق آل راؤنڈر کی بیٹی کا ہاتھ مانگا ہے۔
سابق پاکستانی کپتان شاہد آفریدی نے اپنے ٹویٹر اکاؤنٹ کے ذریعہ اس بات کی تصدیق کرتے ہوئے کہا ہے کہ موجودہ قومی کرکٹ ٹیم کے تیز گیند باز شاہین شاہ آفریدی کے اہل خانہ نے میری بیٹی کے لیے میرے اہل خانہ سے رابطہ کیا ہے، دونوں کنبہ رابطہ میں ہیں، جوڑیاں جنت میں بنائے جاتے ہیں، اگر اللہ نے چاہا تو یہ جوڑی بھی بن جائے گی، میری دعائیں شاہین کے ساتھ میدان میں اور اس کی مسلسل کامیابی کے لیے ہیں۔واضح رہے کہ شاہد آفریدی کی چار بیٹیاں ہیں اور اقصیٰ سب سے بڑی بیٹی ہے۔
شاہین کے والد ایاز خان نے بھی تصدیق کی ہے کہ انہوں نے اپنے بیٹے کے لیے آفریدی کے اہل خانہ کو یہ تجویز بھیجی تھی اور اسے قبول کرلیا گیا ہے، انہوں نے کہا کہ "ہم بہت خوش ہیں اور دونوں کنبے گزشتہ چند ماہ سے رابطے میں ہیں اور امید ہے کہ اب جلد ہی تاریخوں کو حتمی شکل دے دی جائے گی۔"
شاہد آفریدی کے ٹویٹ کا جواب دیتے ہوئے شاہین آفریدی نے بھی ٹویٹ کیا کہ الحمدللہ، آپ کی دعاؤں کے لیے لالہ شکریہ، اللہ سبحانہ وتعالی سب کے لیے آسانیاں پیدا کرے، آپ پوری قوم کا فخر ہیں۔
قابل ذکر ہے کہ 20 سالہ کے بائیں ہاتھ کے شاہین آفریدی حالیہ دنوں میں پاکستان کے بہترین تیز گیند باز کے طور پر سامنے آئے ہیں، انھوں نے اب تک پاکستان کے لیے کھیلے گئے 15 ٹیسٹ میچوں میں نے 48 اور 22 یک روزہ میچوں میں 45 وکٹیں حاصل کر چکے ہیں۔
