پاکستان کو جیت کے لیے 166 رنز درکار

سری لنکا اور پاکستان کے مابین لاہور کے قذافی اسٹیڈیم میں کھیلے جا رہے ٹی 20 میچ میں سری لنکا نے مقررہ 20 اوورز میں پانچ وکٹوں کے نقصان پر 165 رنز بنائے۔

پاکستان نے ٹاس جیت کر سری لنکا کو بلے بازی کی دعوت دی تھی، اور سری لنکا کےسلامی بلے باز دنشکا گناتھیلاکا اور اوشکا فرنانڈو نے پہلے وکٹ کے لیے 84 رنز کی پارٹنرشپ نبھائی۔

دنشکا نے 38 گیندوں میں 57 رنز جبکہ اوشکا نے 34 گیندوں میں 33 رنز بنائے، جبکہ بھنوکا راجاپکسا نے 32 رنز کی اننگ کھیلی۔

پاکستان کی جانب سے محمد حسنین سب سے کامیاب گیندباز رہے اور تین بلے بازوں کو جبکہ شاداب خان نے ایک بلے باز کو پویلین کی راہ دکھائی۔