مدھیہ پردیش کے وزیراعلیٰ شیوراج سنگھ چوہان نے ہندوستانی فلم انڈسٹری کی نامور کوریوگرافر سروج خان کے انتقال پر رنج وغم کا اظہار کرتے ہوئے انہیں خراج عقیدت پیش کیا۔
وزیراعلی نے کہا کہ اپنی کوریوگرافی سے جو جادو انہوں نے اسکرین پر کیا ہے وہ ہمیشہ یاد رکھا جائے گا۔ وہ ہمیشہ لوگوں کے دلوں میں زندہ رہیں گی۔
سروج خان کا آج صبح سویرے حرکت قلب بند ہونے سے انتقال ہو گیا۔ وہ 71سال کی تھیں۔ انہیں سانس میں دشواری کے بعد 17جون کو ممبئی کے ایک اسپتال میں داخل کرایا گیا تھا۔ طبی جانچ کے بعد ان میں کورونا وائرس کا کوئی اثر نہیں پایا گیا ہے۔ سروج خان کو ممبئی میں ملاڈ کے مقام پر سپرد خاک کر دیا گیا ہے۔
وہ 40 سال سے زیادہ عرصے تک بالی ووڈ سے وابستہ رہی ہیں۔
