کنگنا رناوت ہمیشہ اپنے متنازع بیانات اور سوشل میڈیا پوسٹس کی وجہ سے سرخیوں میں رہتی ہیں اس لیے اب سپریم کورٹ میں ایک عرضی دائر کی گئی ہے جس میں کنگنا کی تمام سوشل میڈیا پوسٹ کو حفظ ماتقدم کے تحت سینسر کرنے کی مانگ کی گئی ہے۔
بتادیں کہ کنگنا رناؤت کو حال ہی میں پدم شری ایوارڈ سے نوازا گیا تھا۔ اس اعزاز کے بعد وہ ملک کی آزادی پر اپنے متنازع بیان کی وجہ سے تنقید کے نشانے پر آگئی تھیں۔
اپنے بیان میں کنگنا نے کہا تھا کہ ملک کو 1947 آزادی بھیک میں ملی تھی۔
اس کے علاوہ حال ہی میں اداکارہ نے امرتسر کے گولڈن ٹیمپل سے اپنی کچھ تصاویر پوسٹ کرکے ایک لمبی نوٹ لکھی تھی جس میں انہوں نے بتایا تھا کہ انہیں کھلے عام جان سے مارنے کی دھمکیاں death Threat to Kangana RanautD مل رہی ہیں۔
کنگنا نے یہ بھی بتایا کہ انہوں نے ہماچل پردیش کے ایک پولیس اسٹیشن میں دھمکی دینے والے لوگوں کے خلاف ایف آئی آر بھی درج کروائی ہے۔ انہوں نے سونیا گاندھی Sonia Gandhi کو بھی خط لکھا کہ وہ اپنے پنجاب کے وزیراعلیٰ کو ایسے لوگوں کے خلاف فوری کارروائی کرنے کی ہدایت دیں۔
