ریاست مدھیہ پردیش کے ضلع اندور میں ایکتا کپور کی ویب سیریز 'ٹرپل ایکس-2' کے خلاف شکایت درج کرائی گئی ہے۔
دراصل اس معاملے کو لے کر اندور کے تھانہ اننا پورنا میں ساکیت نگر رہائشی نیرج یاگنک اور ایک اور شخص نے شکایت درج کرائی ہے۔
اس شکایت میں یہ الزام لگایا گیا ہے کہ 'حال ہی میں ایکتا کپور کے ویب سیریز میں بھارتی فوج کی وردی پھاڑنے، اور مذہبی جذبات کو ٹھیس پہنچانے کے مناظر دکھائے گئے ہیں۔'
ان کا کہنا ہے کہ 'اس طرح کا مواد ملک اور فوجیوں کی توہین ہے۔'
پولیس نے پروڈیوسر ایکتا کپور کی فلم کاسٹ اور ٹیم ممبروں کے خلاف مقدمہ درج کر لیا ہے۔
واضح رہےکہ 'ٹرپل ایکس-2' نامی ویب سیریز ایکتا کپور کے لئے مصیبت کا سبب بن گئی ہے۔ گزشتہ دنوں کچھ سابق فوجی اہلکاروں کی جانب سے 'ٹرپل ایکس -2' کے خلاف گروگرام کے پالم وہار پولیس اسٹیشن میں بھی شکایت درج کرائی گئی تھی۔'
